منتديات مركز النورين الدولي للانترنت

الموقع الرسمي لمركز النورين الدولي للانترنت في الناصرية
 
البوابةالرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 ؛؛ البوري ؛؛ تعرفه ؛؛ انواعـه ؛؛ أسبابه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو زينب

avatar

عدد الرسائل : 208
تاريخ التسجيل : 05/08/2007

مُساهمةموضوع: ؛؛ البوري ؛؛ تعرفه ؛؛ انواعـه ؛؛ أسبابه   الخميس 18 أكتوبر 2007, 9:32 pm

طبعاً مثل ما تعرفون هنالك انواع عديدة من البوري وخصوصاً انه البنات هذه الايام قد تفننو في طكَ البيبسي للولد وخصوصاً في الجامعات والكليات. فبدون ان نسأل ليش انضربت بوري وليش طكِوولي بيبسي لازم ع الكل يعرف شنو هو البوري تعريفه اسبابه وكيفية ملافاته ومن ثم التخلص من اثاره الجانبية. نجي نعرف البوري:-

وبما انهُ هذا اول موضوع قنبلي اليه بهذا القسـم اللا انه ترقبوآ المزيد من القنابل الخنفلاقيه بالقسم --

boxing boxing boxing boxing boxing


البوري: هو عملية رفض البنية للولد بأسلوب معين يتراوح من الاجابة بوقاحة والاستصغار الى اسلوب مؤدب مثل (انت مثل اخوية) واسباب البوري عديدة تتراوح من الغرور الى بيع الثقل. اما انواعها فمتعددة ايضاً وسنأتي ع شرحها لاحقاً.

انواع البوري: طبعاً انواع البوري متعددة ولذلك ارتأينا ان يكون تصنيفنا للبواري حسب الاسباب فقد يتشارك نوعان او اكثر من البوراي بنفس السبب فارتئى المؤلف واللي هو اني وحسب شوفتي للموضوع ان يكون لي تصنيف خاص للبواري وحسب التالي: طبعاً راح ننطي ارقام تدل ع قوة البوري وراح نصنفها من 10 انج الى 1 انج وكلما كان اقرب للعشرة كلما كانت قوته اعظم.
Neutral Neutral Neutral Neutral Neutral

1. البوري الطاك: ويعني انو انت تحب بنية طاكة حيل (تتصور راح تباوع عليك هي) يعني هي طاكة حلوة كشاخة ام لسان (حتى لو جانت هادئة فهذا النوع عنده فد لسان) وسبب البوري هو انه ما عندك اي مجال تثير بيه اعجاب البنية يعني راح تجي تفيك عليها بسيارتك وموبايلك وهي يجيها السايق للباب لو راح تكشخ عليها وتحط ريحة وتفتر يمها وهي اخوها لابس هدوم البيت مال النوم اكشخ منك لو راح تفيك عليها بشعرك والجل مالتك وهي عيونها بس احلى من 100 شاب مثلك, ما عندك أي امل ولا حجازي نياااااااا ... لا الصدك اني اكلك لا تروح ولا تجي ولا تتعب نفسك هو بوري بوري لو ابو حمزة المصري يصير مغني. اما كيفية ملافاة هذا البوري فاني مراح اكلك انسى البنية .. لا بالعكس بس راح اكلك اول شي بيع ثقل ولاتبين نفسك هيج مذبوح عليها ودائماً تلحكها لأن راح تكرهك البنية بس تكدر تدبر رقم التلفون مالتها او ايميلها وتدزلها فد مسج او ايميل بمناسبة او بدون مناسبة وطبعاً شنو تستخدم فد رقم تلفون او ايميل محد يعرفه بس انت ويكون نص المسج (مساء الخير او صباح الخير .. قبل لا تكولين اي شي .. اني احب اكلج انو اني اسف ع الازعاج واني لي الشرف انو احجي وياج وافتخر بيج وانتي ع راسي بس والله مكدرت امنع نفسي انو ادزلج رسالة تحية او سلام ولو انتي مغرورة شوية وادري مراح تديرين بال للمسج او الايميل بس حقج لانه لو القمر محلو مجان صار هيج بالسما عالي وانتي احلى من القمر فحقج تتكبرين ع البشر) ان جاوبتك البنية فظل انفخ بيهة (يمعودة اني اصدك اجذب احجي وياج) (انتي ع راسي وانتي ارقى وحدة بالقسم) ولا تبين لها هويتك او شخصيتك الا تنطيك الامان هي (والله اني ما اكدر اكلج اني منو لأن اخاف عندج فكرة مسبقة عني ومراح تقبلين تحجين وياية واخسر حتى هذه المسجات او الايميلات البسيطة اللي بيناتنا) وشنو دير بالك تحشش وياها (هاي السوالف مال حسن : حسن عيشة , وليد : وليد انام نيااااااااااااا) دير بالك لان هذا النوع يموت ع الثقل. ولمن تنجح الخطة اتصل بية واني اكلك شتسوي وراها. ويتراوح هذا البوري من 9 الى 7 انج لأن اغلب الاحيان البنية تجاوب الولد بأحتقار وتنهد بيه خوش هدة. ويسمى بالبوري الطاك لان البنية طاكة حيل انفجار بالفلوس.

&& ترقبوآ الجزء الثاني &&


3face 3face 3face 3face 3face

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahmedalatbi

avatar

ذكر
عدد الرسائل : 911
العمر : 31
Localisation : Great Iraq
تاريخ التسجيل : 12/05/2007

مُساهمةموضوع: تقبل شكري وتقديري لشخصكم الكريم   الثلاثاء 30 أكتوبر 2007, 8:17 pm

البوري: هو عملية رفض البنية للولد بأسلوب معين يتراوح من الاجابة بوقاحة والاستصغار الى اسلوب مؤدب مثل (انت مثل اخوية) واسباب البوري عديدة تتراوح من الغرور الى بيع الثقل. اما انواعها فمتعددة ايضاً وسنأتي ع شرحها لاحقاً.

والله افكار رهيبة
حبيبي انت .. تقبل شكري وتقديري الكبير لشخصكم الكريم


_________________




تقبلوا تحياتي

أخوكم أحمد العتبي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedalatbi.jeeran.com
ابو زينب

avatar

عدد الرسائل : 208
تاريخ التسجيل : 05/08/2007

مُساهمةموضوع: رد: ؛؛ البوري ؛؛ تعرفه ؛؛ انواعـه ؛؛ أسبابه   الأربعاء 31 أكتوبر 2007, 1:19 am

شكرا لمروك الكريم Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
؛؛ البوري ؛؛ تعرفه ؛؛ انواعـه ؛؛ أسبابه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مركز النورين الدولي للانترنت :: قسم الأسرة والمجتمع :: منتدى الرجل-
انتقل الى: